Այն, ինչ տեղի է ունենում Հալեպում, հումանիտար աղետ է. Մերկել
ԱՐԽԻՎ
Գերմանիայի կանցլեր Անգելա Մերկելը կոչ է արել 48-ժամյա դադար ապահովել Սիրիայի Հալեպ քաղաքում տեղի ունեցող մարտական գործողություններում՝ մարդասիրական օգնություն ցուցաբերելու համար: Այդ մասին նա հայտարարել է Rhein-Neckar-Zeitung թերթում օգոստոսի 23-ին հրապարակված հարցազրույցում:
«Այն, ինչ տեղի է ունենում Հալեպում, ահավոր է, դա հումանիտար աղետ է: Ուստի կրակի երեքժամյա դադարեցումները, որոնք առաջարկել են նախագահ Ասադը եւ նրա դաշնակից Ռուսաստանը, բնավ բավարար չեն, դրանք ցինիկ են մարդկանց տառապանքների պայմաններում»,-ասել է Մերկելը:
«Ցանկացած միջազգային կազմակերպություն կասի, որ այդ ժամանակը բավական չէ մարդկանց անհրաժեշտ մատակարարումն ապահովելու համար»,-հավելել է նա: Կանցլերը մատնանշել է, որ «ՄԱԿ-ի գնահատմամբ՝ անհրաժեշտ է առնվազն 48 ժամ, բայց նույնիսկ դա էլ միայն առաջին քայլն է, որը պետք է ապահովեն Ռուսաստանը եւ Սիրիայի ղեկավարությունը», հաղորդել է ՏԱՍՍ գործակալությունը:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
