Լոռու մարզպետարանին հատկացրվել է 1650 եվրոյին համարժեք դրամ

ՀՀ կառավարությունն այսօր տեղի ունեցեծ հերթական նիստի ժամանակ համաձայնություն է տվել Հայաստանի Հանրապետության և Շվեյցարիայի Համադաշնության կառավարությունների միջև դիվանագիտական ներկայացուցչությունների, հյուպատոսական հիմնարկների և միջազգային կազմակերպություններում մշտական ներկայացուցչությունների աշխատակիցների ընտանիքների անդամներին փոխադարձաբար աշխատանքի իրավունքի տրամադրման հայտագրերի փոխանակմամբ պայմանագրի կնքման առաջարկությանը։ Հաջորդ որոշմամբ համաձայնություն է տրվել Հայաստանի Հանրապետության և Լատվիայի Հանրապետության կառավարությունների միջև զբոսաշրջության բնագավառում համագործակցության համաձայնագրի ստորագրման առաջարկությանը։

Հաշվի առնելով ՀՀ Լոռու մարզի և Ֆրանսիայի Պրովանս, Ալպ, Կոտ Դ‘ Ազյուր տարածաշրջանի երկար տարիների համագործակցությունը, 2011 թ. տարեվերջին Լոռու մարզը հաստատվել է ֆրանկոֆոն տարածաշրջանների միջազգային ասոցիացիայի լիիրավ անդամ։ Անդամակցության վճարը վճարելու նպատակով գործադիրը ս.թ. երկրորդ եռամսյակում Լոռու մարզպետարանին հատկացրել է 1650 եվրոյին համարժեք դրամ։

Ճապոնիայի միջազգային համագործակցության գործակալության ֆինանսավորմամբ իրականացվող վարկային ծրագրով և համապատասխան պայմանագրերով անհրաժեշտություն է առաջացել Հայաստան ներկրել լրացուցիչ սարքավորումներ, որոնք մատակարարվելու են անվճար, ինչի վերաբերյալ կառավարությունը համապատասխան որոշում է ընդունել։