«Հայոց աշխարհ». Վթար խորհրդարանում՝ Նաիրա Զոհրաբյանի մասնակցությամբ

«Հայոց աշխարհ»-ը գրում է. «Ավելի ճիշտ, պատահարը տեղի է ունեցել հայրենի խորհրդարանի հին և նոր մասնաշենքերի միջակայքում։

Երեկ, հետմիջօրեին, նշված վայրում «Բարգավաճ Հայաստան» խմբակցության ղեկավար Նաիրա Զոհրաբյանը փորձել է անձամբ վարել ծառայողական «Տոյոտա Քեմրին»։ Դատելով ամենից՝ Նաիրա Զոհրաբյանը մեքենա վարելու փոքրիկ դաս է վերցրել իր վարորդից, բայց թերևս շատ սկսնակ վարորդների նման, շփոթել է «գազի» ու «արգելակման» ոտնակները։

Մեր ունեցած տեղեկություններով, մեքենան կորցրել է կառավարումն ու հայտնվելով կանաչապատ տարածքում, բախվել է եղևնիներից մեկին։ Բարեբախտաբար պատգամավորն ու իր վարորդը չեն տուժել։ Ավտոմեքենան, իհարկե, վնասվել է, ու եղևնին էլ է բավականին ծռվել։

Ինչպես ասվում է նման դեպքերում, «ինչ լինում է՝ թիթեղին թող լինի»»։

Մանրամասները՝ թերթի այսօրվա համարում։