Նոյեմբերից Վրաստանում սկսելու են գործել օդային տաքսիներ

Նոյեմբերից Վրաստանում սկսելու են գործել օդային տաքսիներ: Ներկայում, Adjara Groupե ընկերությունն սպասում է թռիչքների թույլատրագիր ստանալուն եւ, ինչպես ենթադրվում Է, նոյեմբերի 15-ին օդաչուները կսկսեն կատարել առաջին չվերթերը: Այդ մասին տեղեկանում ենք «Գրուզիա Online»-ից, հայտնել է, Adjar a Group-ի գլխավոր տնօրեն Վալերի Չխեիձեն:

Մարկետինգի եւ բիզնեսի զարգացման հարցերով տնօրեն Օտո Բերիշվիլին բացատրել է, որ ներկա փուլում ընկերությունը երթուղիների սխեմաներն է մշակում եւ որոշում է գնային քաղաքականության ուղղությունը:

Ինքնաթիռները, որոնք տնօրինում է ընկերությունը, ձեռք են բերվել ԱՄՆ-ում:

Դրանք ութտեղանոց Beechcraft ինքնաթիռներն են, որոնք արտադրվել են ամերիկյան «Beech Aircraftե ֆիրմայի կողմից, որը թողարկում է քաղաքացիական եւ ռազմական ավիատեխնիկա: Անհրաժեշտության դեպքում ընկերությունը մտադիր է ձեռք բերել եւս մի քանի նման ինքնաթիռներ, հայտնել է Բերիշվիլին:Նրա խոսքով՝ Վրաստանում նման ծառայությունների պահանջարկ կա: Ուստի ընկերությունը հույս ունի, որ օդային տաքսիների պահանջարկը ժամանակի հետ կմեծանա: Ինչպես հայտնել է Բերիշվիլին, «Ավիատոր» բրենդի ներքո օդային տաքսիները չվերթեր կկատարեն Կազբեգի, Բաթում, Սվանեթի տարածաշրջան եւ Վրաստանի այլ անկյուններ, որտեղ հարթակներ են պատրաստված ինքնաթիռների վայրէջքի համար:

Թռիչքների աշխարհագրությունն ընդլայնելու նպատակով, Adjara Groupե-ն աշխատում է նաեւ ամբողջ երկրում օդակայանների ցանցի զարգացման վրա:

Ավիատաքսիներով թռիչքները չարտերային եւ առեւտրային ավիափոխադրումներից տարբերվում են գրանցման ձանձրալի ընթացակարգերի եւ մեկնման հետ կապված տեւական սպասումների բացակայությամբ: Ուղեւորները կարող են ժամանել թռիչքից 10-15 րոպե առաջ եւ անցնել գրանցման ու մաքսային ձեւակերպումների կրճատված ընթացակարգ: Դա թույլ է տալիս զգալիորեն տնտեսել ճանապարհի ժամանակը:

Նման փոխադրումների ժամանակ, որպես կանոն, չկան ո՛չ խոհանոցներ, ոչ բորտուղեկցորդներ, ոչ զուգարաններ: Ավիատաքսիների ծառայություններին հաճախակի դիմում են տուրիստական ընկերությունները՝ զբոսաշրջիկներին հեռավոր անկյուններ հասցնելու համար կամ թռչնի թռիչքի բարձրությունից տեսարժան վայրերը ցուցադրելու նպատակով: