Մեր առաքելությունը նոր է սկսվում. Պավլիկ Մանուկյան
ԱՐԽԻՎ
Այսօր Պավլիկ Մանուկյանը շտապօգնության մեքենայով «Դատապարտյալների հիվանդանոց» ՔԿՀ-ից տեղափոխվեց է Էրեբունի ԲԿ: Հիվանդանոցի դիմաց Մանուկյանը լրագրողների հարցերին ի պատասխան նշեց՝ իրեն շատ լավ է զգում և հայտարարեց. «Մեր առաքելությունը չի ավարտվել, այն նոր է սկսվում, մինչև հասնենք ապահով և ինքնաբավ Հայաստան ունենալուն»:
Նշենք, որ Պավլիկ Մանուկյանը մեկ անգամ արդեն վիրահատվել էր «Դատապարտյալների հիվանդանոց» ՔԿՀ-ում։ Վիրահատությունը կատարել էր «Էրեբունի» բժշկական կենտրոնի Պլաստիկ և միկրովիրաբուժության բաժանմունքի վարիչ Արմեն Հովհաննիսյանը։ Տեղային անզգայացման միջոցով կատարվել էր մաշկի դեֆեկտի վերացում։
Հիշեցնենք՝ «Սասնա ծռեր» խմբի անդամ, ազատամարտիկ Պավլիկ Մանուկյանը մեղադրվում է ՀՀ Քրեական օրենսգրքի 219-րդ հոդվածի 3-րդ մասով, որը սահմանում է շենքեր, շինություններ, տրանսպորտի, հաղորդակցության կամ կապի միջոցներ զավթելը և 235-րդ հոդվածով՝ ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
