Սիրիայում սպանված թուրք զինվորների թիվը հասել է յոթի
ԱՐԽԻՎ
Սիրիայի տարածքում թուրքական զինված ուժերի կողմից իրականացվող «Եփրատի վահան» գործողության շրջանակում սպանված թուրք զինվորների թիվը հասել է 7-ի: Այս մասին հայտնում է թուրքական Demokrathaber.org լրատվական գործակալությունը:
«Իսլամական պետություն» ահաբեկչական խմբավորումը հարձակվել է թուրքական տանկի վրա, ինչի հետևանքով երեք թուրք զինվոր սպանվել է, մեկը' վիրավորվել:
Թուրքիայի զինված ուժերն «Իսլամական պետություն» ահաբեկչական խմբավորման դեմ պայքարի պատրվակով օգոստոսի 24-ին ներխուժել են սիրիական Ջերաբուլուս քաղաք, որտեղ իրականում պայքարում են սիրիացի քրդերի դեմ: Գործողությունը ստացել է «Եփրատի վահան» անունը: Այդ գործողությամբ Թուրքիան փորձում է Եփրատի արեւմտյան ափից դուրս մղել քրդական ինքնապաշտպան ական ուժերը' երկյուղելով, որ սիրիացի քրդերը կարող են ինքնավարություն ստեղծել Եփրատի արեւելյան եւ արեւմտյան ափերին եւ դրանով ամբողջությամբ իրենց ձեռքը վերցնել 900 կմ երկարությամբ թուրք-սիրիական սահմանը:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
