ԱՄՆ դեսպանատունն ու Հայաստանի «Ֆուլեր Տնաշինական Կենտրոնը» տուն են կառուցում Արարատի մարզում

Հայաստանում ԱՄՆ դեսպանատան կամավորները միացել են Հայաստանի «Ֆուլեր Տնաշինական Կենտրոն»-ի թիմին՝ մասնակցելու Արարատի մարզի Սիսավան գյուղում բնակվող Ալոյանների տան շինարարական աշխատանքներին:

Այս մասին «Արմենպրես»-ին տեղեկացրին Հայաստանի «Ֆուլեր Տնաշինական Կենտրոն» բարեգործական հասարակական կազմակերպությունից՝ հավելելով. «ԱՄՆ դեսպանատան և Հայաստանի «Ֆուլեր Տնաշինական Կենտրոն»-ի միջև համագործակցությունը սկսվել է 2008 թվականին: Ամեն տարի ԱՄՆ դեսպանատան «Աջակցող Ձեռքեր» կամավորական կազմակերպությունը «Ֆուլեր Տնաշինական Կենտրոն»-ի հետ համատեղ իրականացնում են միջոցառում, որի միջոցով դեսպանատան աշխատակիցները և ընտանիքի անդամները կարող են օգնել տուն կ առուցել անբարենպաստ պայմաններում ապրող հայ ընտանիքների համար:

Ալոյանների ընտանիքը բաղկացած է 11 անձից: Սարգիսը և իր կինը՝ Անին, իրենց երկու երեխաների հետ, ապրում են Սարգիսի ծնողների և եղբայրների ընտանիքների հետ. 11 անձ՝ երեք սենյակում: Մեծ ընտանիքը Սարգսի և նրա ընտանիքի համար տուն սկսել է կառուցել չորս տարի առաջ:

«Երևի թե ամեն մարդու նվիրական երազանքն է տուն ունենալը: Որպես երկու երեխաների հայր, ես հուսահատվում էի, թե չեմ կարող բավարար կենցաղային պայմաններ ապահովել իմ փոքրիկների համար: Անհնար է նկարագրել այն երջանկությունը, որ մենք զգում ենք ամեն օր՝ տեսնելով, թե ինչպես է < /b>առաջ ընթանում մեր տան շինարարությունը և զգալ, որ շուտով, շատ շուտով կտեղափոխվենք նոր տուն»,- ասել է Սարգիսը:

«Դեռ 2016թ.-ի գարնանը այս տունն ընդամենը պատեր և ծածկ ուներ: Այսօր արդեն շինարարությունը ավարտին է մոտենում, և, այժմ, ներկարարական աշխատանքներ են իրականացվում: ԱՄՆ դեսպանատունը մեր առաքելությանը միացել է 2008 թվականից: Եվ այժմ, մեր գործընկերների, կամավորների, աջակիցների ամուր համոզմունքներ ի և նվիրումի շնորհիվ է, որ Ալոյանները և բազում հայ ընտանիքներ վայելում են տուն ունենալու բերկրանքը»,- ասել է «Ֆուլեր Տնաշինական Կենտրոնի» նախագահ Աշոտ Եղիազարյանը: