Օլանդը կառաջադրի իր թեկնածությունը Ֆրանսիայի նախագահական ընտրություններում
ԱՐԽԻՎ
Ֆրանսիայի նախագահ Ֆրանսուա Օլանդը, «անկասկած», նոր ժամկետով կառաջադրի իր թեկնածությունը երկրի նախագահի պաշտոնի համար: Այդ մասին հայտարարել է Ֆրանսիայի Սենատում (խորհրդարանի վերին պալատ) Սոցիալիստական կուսակցության խմբակցության ղեկավար Դիդիե Գիյոմը: «Նա նախագահի թեկնածու կլինի 2017 թվականի ընտրարշավում, դա ստույգ է: Նա թեկնածու կլինի, քանի որ Ֆրանսիան նրա կարիքն ունի»,-Գիյոմի խոսքը մեջբերում է Reuters գործակալությունը:
Հարցման տվյալների համաձայն, որը սեպտեմբերի սկզբին անցկացվել է IFOP սոցիոլոգիական հետազոտությունների ինստիտուտի կողմից, ֆրանսիացիների ճնշող մեծամասնությունը՝ 85 տոկոսը, հայտարարել է, թե չի ցանկանում կրկին Օլանդին տեսնել պետության ղեկավարի պաշտոնում: Դրա հետ մեկտեղ, հարցման մասնակիցների գրեթե երեք քառորդը կարծում է, որ նա, այդուամենայնիվ, կառաջադրի իր թեկնածությունը նոր ընտրություններին մասնակցելու համար:
Սպասվում է, որ Ֆրանսիայի նախագահի պաշտոնի համար իր հնարավոր առաջադրման մասին Օլանդը կհայտարարի մինչեւ 2016 թվականի վերջը: Նախագահական ընտրությունները Ֆրանսիայում կանցկացվեն 2017 թվականի գարնանը, հաղորդել է ՌԻԱ Նովոստի գործակալությունը:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
