Շնորհակալություն եմ հայտնում իմ ժողովրդին, որ քվեարկելով իմ օգտին՝ ինձ դարձրին քաղաքապետ. Դավիթ Համբարձումյան

Սեպտեմբերի 18-ին կայացած տեղական ինքնակառավարման մարմինների ընտրություններում Արարատի մարզի Մասիս քաղաքի քաղաքապետ ընտրված Դավիթ Համբարձումյանը ֆեյսբուքյան իր էջում գրել է.

«Մասիս քաղաքում ընտրությունններին մասնակցել են 7995 անձ:

Ըստ Կենտրոնական ընտրական հանձնաժողովի հրապարակած տվյալների՝ իմ օգտին են քվեարկել 7520 անձ, որը ձայների մոտ 94%-ն է կազմում, անվավեր է ճանաչվել 247 քվեաթերթիկ, իսկ դեմ են քվեարկել 196 ընտրող:

Շնորհակալություն եմ հայտնում իմ ժողովրդին, որ քվեարկելով իմ օգտին՝ ինձ դարձրին քաղաքապետ: Իմ՝ որպես քաղաքապետ գործառույթները, սկսվելու են նոյեմբերի 12-ից:

Ես հույս ունեմ, որ իմ քաղաքի ժողովուրդը նույնկերպ միասնական կլինի մեր քաղաքի շենացման ու զարգացման գործում:

Ցանկանում եմ, որ Մասիս քաղաքը միշտ լինի այսպես միասնական»: