Մարզահամերգային համալիրին այնպիսի կառավարիչ ընտրեք, որ փող աշխատի՝ մեզ էլ հարկ տա. վարչապետ
ԱՐԽԻՎ
Այսօր կառավարության հերթական նիստում քննարկվեց Կարեն Դեմիրճյանի անվան մարզահամերգային համալիրին 2016 թվականին շուրջ 9 միլիոն դրամ հատկացնելու մասին հարցը:
Նախագծի ընդունման նպատակն է «Կարեն Դեմիրճյանի անվան մարզահամերգային համալիր» պետական ոչ առևտրային կազմակերպության բնականոն գործունեության ապահովումը:
Կարեն Կարապետյանը նախագիծը ներկայացնող Պետական գույքի կառավարման վարչության պետ Արման Սահակյանին հարցրեց, թե ինչ լիազորություններ ունի մարզահամերգային համալիրի կառավարիչը, որին ի պատասխան Սահակյանն ասաց, թե կառավարիչը ըստ կանոնադրության կատարում է իր վրա դրված պարտականությունը.
«Ես հասկանում եմ ինքը բեռ է, քանի որ որոշակի բիզնես միջավայր ստեղծելը բարդ է, բայց մենք պետք է մի կառավարիչ ընտրենք, որ այդ բեռը հաղթահարի»,- ասաց Կարապետյանը:
Վարչապետը ցանկություն հայտնեց այնպիսի կառավարիչ ընտրել, որպեսզի կարողանա շահույթ ստանալ մարզահամեգրային համալիրից, նա նաև համեմատական անցկացրեց միջազգային փորձի հետ՝ նշելով, որ այլ երկրներում նմանատիպ համալիրներին ոչ թե պետությունն է գումար հատկացնում, այլ նրանք ինքնաֆինանսավորվում են.
«Այնպիսի կառավարիչ ընտրենք, որ ոլորտը տանք՝ ասենք մեզնից փող մի ուզի հըլը մի բան էլ փող աշխատի, մեզ հարկ տուր»,- ասաց Կարապետյանը:
ՈՒՂԻՂ ԵԹԵՐ
Ամենադիտված 
Ադրբեջանցին «Կեցցե Ադրբեջանը» երգը միացրած մեքենայով շրջում է Հայաստանում
