Samsung-ն սկսել է փոխհատուցումների վճարումն ու Galaxy Note 7-ի փոխանակումը Հարավայի Կորեայում

Samsung Electronics ընկերությունն սկսել է փոխհատուցումների վճարումն ու Galaxy Note 7-ի սմարթֆոնների փոխանակումը Հարավայի Կորեայում: Այդ մասին, ինչպես տեղեկացնում Է «Արմենպրես»-ը, ասված Է կորպորացիայի հաղորդագրության մեջ:

«Այդ հեռախոսի տերերը կարող են դիմել այն խանութներին, որտեղ իրենք դրանք գնել են եւ սարքերը փոխանակել այլ մոդելով կամ փողը հետ ստանալ»,- նշում Է ընկերությունը: Փոխանակման եւ փոխհատուցուների վճարման գործընթացը պլանավորվում Է ավարտել մինչեւ ընթացիկ տարվա վերջը:

Ինչպես արդեն տեղեկացվել Է, Samsung Electronics ընկերությունը հոկտեմբերի 11-ից ժամանակավորապես դադարեցնում Է Galaxy Note 7 սմարթֆոնների արտադրությունը:

Ավելի վաղ ընկերությունը հայտարարել Էր ամբողջ աշխարհում Galaxy Note 7 սմարթֆոնների վաճառքն ու փոխարինումը լիովին դադարեցնելու մասին, ինչը կապված Է արդեն փոխարինված սարքերի բռնկման դեպքերի հետաքննության հետ:

«Քանի որ հաճախորդների անվտանգությունը գլխավոր գերակայությունն Է, Samsung-ը խնդրում Է գործընկերներին ու վաճառողներին՝ հետաքննության անցկացման ժամանակաշրջանում ամբողջ աշխարհում դադարեցնել Galaxy Note 7 մոդելի վաճառքն ու փոխանակումը,- նշվում Է փաստաթղթում:- Մենք խնդրում ենք այդ սմարթֆոնների բոլոր տերերին՝ անջատել դրանք եւ չօգտվել դրանցից», հաղորդել Է ՏԱՍՍ-ը: