ԻՊ-ի զինյալներն ավելի քան 20 մարդ են սպանել Իրաքի Քիրկուկ քաղաքում

«Իսլամական պետություն» ծայրահեղական խմբավորման զինյալները «գրոհել են Իրաքի հյուսիսի Քիրկուկ քաղաքի կառավարական հաստատությունների վրա: Հարձակման զոհ են դարձել առնվազն վեց ոստիկաններ եւ 16 խաղաղ բնակիչներ: Զինյալներից սպանվել Է առնվազն 12 հոգի, տեղեկացնում Է «Արմենպրես»-ը՝ հղում անելով BBC-ին:

Հարձակումը կատարվել Է հոկտեմբերի 21-ի լուսաբացին:

Իսլամիստների կողմից վերահսկվող ԶԼՄ-ները պնդում են, որ զինյալները գրավել են Քիրկուկի քաղաքային վարչակազմի շենքը եւ քաղաքի կենտրոնի հյուրանոցը, բայց քաղաքի իշխանությունները դա ժխտում են:

Իշխանությունների տվյալներով՝ հարձակման Է ենթարկվել քաղաքի մերձակայքում կառուցվող Էլեկտրակայանը, որտեղ Էլ զոհվել են 16 խաղաղ բնակիչները: Նրանցից մի քանիսն իրանցիներ են եղել, քանի որ կայանի շինարարությունը ղեկավարում Է իրանական ընկերությունը:

Բուն քաղաքում իսլամիստները, իշխանությունների տվյալների համաձայն, իրենց թիրախներ են ընտրել պետական իշխանության մարմինները եւ ոստիկանական տեղամասերը:

Մահապարտներն ինքնապայթեցումներ են կատարել ոստիկանական երեք տեղամասերի եւ քաղաքական կուսակցության գրասենյակի հարեւանությամբ:

Քիրկուկում սահմանվել Է արտակարգ դրության ռեժիմ: Ականատեսների վկայությունների համաձայն՝ քաղաքի առանձին շրջաններում մինչ այժմ հրաձգություն Է լսվում, իսկ փողոցներով ազատորեն տեղաշարժվում են զինյալները: