Մաթեմատիկական մոդելը Թրամփի հաղթանակն է կանխատեսել նախագահական ընտրություններում

Սթոունի Բրուքում Նյու Յորքի նահանգի համալսարանի պրոֆեսոր Հելմաթ Նորփոսը, որը հաջողությամբ կանխատեսել է ԱՄՆ-ում նախագահական ընտրությունների գրեթե բոլոր արդյունքները, հայտարարել է, որ երկրի հաջորդ նախագահը կդառնա հանրապետական Դոնալդ Թրամփը: Այդ մասին, ինչպես տեղեկացնում է «Արմենպրես»-ը, հայտնել է The Independent բրիտանական հրատարակությունը:

Նորփոսը մշակել է մաթեմատիկական մոդել, որը, ինչպես պարզվել է, գրեթե անսխալ որոշել է ԱՄՆ-ի նախագահական ընտրությունների արդյունքները վերջին 100 տարվա ընթացքում. մոդելը թեստավորվել է ինչպես «իրական ժամանակի» ռեժիմով, այնպես էլ շատ տարիներ առաջ կայացած ընտրություններում: Միակ ոչ ճիշտ կանխատեսումը դարձել է 2000 թվականի ընտրությունների արդյունքները, երբ երկրի նախագահ է ընտրվել Ջորջ Բուշը այն դեպքում, երբ մոդելը հաղթող էր հայտարարել Ալբերտ Գորին: Ընդ որում, 2000 թվականին ընտրությունների հաղթողը հայտարարվեց ձայների երկարատեւ վերահաշվարկիÖ հետո:

Գիտնականի խոսքով՝ մոդելը որպես հիմք է ընդունում փրայմերիզների արդյունքները. նա, ով լավագույն արդյունքներն է ցույց տալիս նախնական ներկուսակցական ընտրություններում, դառնում է նախագահ, հաղորդել է «Ինտերֆաքս»-ը: