Աշխարհի վերջը հերթական անգամ հետաձգվում է. աստղաբան

Մայաների օրացույցի մեջ, եթե խորը ուշադրություն դարձնենք, աշխարհի վերջը ոչ թե 2012 թվականի դեկտեմբերի 21-ն է, ինչպես հաշվարկել են, այլ 2013 թվականի փետրվարի 18-ը կամ 19-ը, այսօր լրագրողների հետ հանդիպման ժամանակ բացատրեց աստղաբան-էզոթերիկ Գուրգեն Հովհաննիսյանը:

Նրա խոսքերով, աշխարհի վերջ հասկացողությունը միշտ միֆոլոգիական առումով եղել է այլաբանորեն ընկալելի։

«Սա եղել է ավելի այլաբանություն, քան ինչ-որ հստակ իրադարձություն: Այնուամենայնիվ, սա իրենում կրում է որոշակի թաքնված ինֆորմացիա, որը վերաբերում է ավելի շատ մեր աշխարհընկալմանը, մեր գիտակցական դաշտի փոփոխմանը, որն արդեն իսկ տեղի է ունենում: Այն փոփոխությունները, որոնք պետք է լինեն, տեղի են ունենալու», - նշեց աստղաբանը: