ՀԱՊԿ-ն անհրաժեշտության դեպքում օգնություն կցուցաբերի Հայաստանին. Նիկոլայ Բորդյուժա

«Հայաստանը համարվում է Հավաքական անվտանգության պայմանագրի կազմակերպության լիիրավ անդամ է և եթե Հայաստանի նկատմամբ ինչ-որ ոչ բարեկամական քայլեր լինեն, բնականաբար, ՀԱՊԿ անդամ բոլոր պետությունները համապատասխան օգնություն կցուցաբերեն»,- այս մասին այսօր կազմակերպված հեռուստակամուրջի ժամանակ հայտարարեց Հավաքական անվտանգության պայմանագրի կազմակերպության Գլխավոր քարտուղար Նիկոլայ Բորդյուժան՝ ի պատասխան ադրբեջանցի լրագրողի հարցին:

«Մնացածը մանրամասներ են, որոնք պետք է վերլուծվեն, ինչպես նաև քննարկվեն անդամ-պետությունների նախագահների որոշումները»,- հավելեց նա:

Հիշեցնենք, որ ավելի վաղ Բորդյուժան Ադրբեջանին մեղադրել էր տարածաշրջանում իրավիճակի սրման մեջ, ինչն Ադրբեջանում բացասական արձագանքների տեղիք էր տվել: