Ուղևորահոսքը 2015-ի համեմատ 30 տոկոսով աճել է
ԱՐԽԻՎ
Ավիափոխադրումների շուկան ընդլայնելու նպատակով բանակցություններ են ընթանում թե՛ բյուջետային, եւ թե՛ դասական ավիաընկերությունների հետ։ Այս մասին «Արմենպրես»-ի մամուլի սրահում հրավիրված ասուլիսում նշեց Քաղավիացիայի գլխավոր վարչության օդային փոխադրումների կարգավորման վարչության պետ Աննա Չոբանյանը:
Նրա խոսքով՝ բաց երկնքի քաղաքականության պայմաններում նկատվում է ուղեւորահոսքի, թռիչքների հաճախականության աճ: 2016 թվականին ուղևորահոսքը 2015-ի համեմատ 30 տոկոսով աճել է: «Մեր ուսումնասիրությունների արդյունքում 2015 թվականին նկատվել է հոսքի նվազում դեպի Վրաստան,-ասաց նա՝ հավելելով, որ Վրաստանում կա ավելի մեծ մրցակցային դաշտ, տուրիզմի մեծ հոսք: «Բացի դրանից՝ վրացական շուկայից ուղևորափոխադրումներ են իրականացնում նաև թուրքական ավիաընկերությունները, իսկ դրանք այսօր մրցակցում են ամբողջ աշխարհում առկա ուղևորափոխադրումներ իրականացնող երկրների հետ»,-նշեց Չոբանյանը:
Քաղավիացիայի գլխավոր վարչության օդային փոխադրումների կարգավորման վարչության պետը նկատեց, որ 3 տարին բավական կարճ ժամանակահատված է աննախադեպ արդյունքներ գրանցելու համար: «Մենք ունենք բաց՝ դեպի Եվրոպա ուղղություններում եւ այդ բացը լրացնելու համար համապատասխան աշխատանքներ ենք տանում»,-հավելեց բանախոսը:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
