Ոստիկանները ՀՀ և Իրանի երկու քաղաքացու մոտ մեկուկես կիլոգրամից ավելի ափիոն են հայտնաբերել

ՀՀ ոստիկանության կազմակերպված հանցավորության դեմ պայքարի գլխավոր վարչության անօրինական թմրաշրջանառության դեմ պայքարի վարչության ծառայողները, ապօրինի թմրաշրջանառության վերաբերյալ տեղեկություններն իրացնելիս, նոյեմբերի 4-ին Երեանի Խորենացի փողոցից ոստիկանության էրեբունու բաժին բերման են ենթարկել Արսեն Հակոբյանին ու Մուհամմադ Ասադիին, որոնց մոտ թմրամիջոցներ են հայտնաբերել: Այս մասին տեղեկանում ենք ՀՀ ոստիկանության հասարակայնության հետ կապերի և լրատվության վարչությունից՝ հավելելով. «Իրանի Իսլամական հանրապետության քաղաքացի, 45-ամյա Մուհամադ Ասադիի անձնական խուզարկությամբ հայտնաբերվեց 20 հատ դեղահաբ, ինչպես և ընդհանուր մեկ կիլոգրամից ավելի շագանակագույն զանգված, որի կապակցությամբ Մուհամմադ Ասադին ասաց, որ հայտնաբերվածր Մեթադոն և Աթիոն թմրամիջոցներ են։

Գյումրեցի 45-ամյա Արսեն Հակոբյանի անձնական խուզարկությամբ հայտնաբերվեց կես կիլոգրամից ավելի սև գույնի մածուցիկ զանգվածով պոլիմերային տարա։ Համաձայն Արսեն Հակոբյանի հայտարարության՝ հայտնաբերվածր Ափիոն է։

Դատանյութաբանական փորձաքննության արդյունքների համաձայն՝ և՛ Մուհամադ Ասադիի, և՛ Արսեն Հակոբյանի մոտից հայտնաբերվածր Ափիոն է։

Նոյեմբերի 6-ին խուզարկվեց նաև Մուհամադ Ասադիի բնակության վայրը, որտեղից հայտնաբերվեց 50 հատ տարբեր գրառումներով դեղահաբ և սև գույնի կոշտ զանգված։ 

Մուհամադ Ասադին ու Արսեն Հակոբյանր ձերբակալված են։ 

Կատարվում է քննություն»։