Տոկիոյի սակարանում Nikkei ինդեքսը գրեթե 7 տոկոս աճ է արձանագրել ԱՄՆ-ի ընտրություններից հետո
ԱՐԽԻՎ
Տոկիոյի ֆոնդային սակարանում սակարկություններն ավարտվել են հիմնական ինդեքսների զգալի աճով: Ճապոնիայի համար հանգուցային Nikkei ինդեքսը, որն արտացոլում է երկրի 225 առաջատար ընկերությունների բաժնետոմսերի փոխարժեքները, գործառնությունների ավարտին աճել է 6,72 տոկոսով՝ մինչեւ 17344,42 կետի նշագիծ: Ավելի լայն TOPIX-ը, որն արձանագրում է սակարանի էլիտար առաջին սեկցիայի բոլոր ընկերությունների բաժնետոմսերի փոխարժեքները, բարձրացել է 5,78 տոկոսով եւ հասել 1376,65 կետի մակարդակ:
Նոյեմբերի 9-ին ԱՄՆ-ի ընտրությունների նախնական արդյունքների ֆոնին Տոկիոյում ինդեքսները նվազել էին միջին հաշվով 5 տոկոսով, իենի նկատմամբ դոլարի փոխարժեքն իջել էր գրեթե 3,5 տոկոսով: Այսպիսով, երկու առեւտրական օրում Տոկիոյի սակարանն ապրել է գնանշումների՝ Brexit-ից հետո խոշորագույն անկումը եւ 2016 թվականի փետրվարից ի վեր խոշորագույն աճը:
Սակայն նախագահական ընտրություններում Դոնալդ Թրամփի հաղթանակից հետո ԱՄՆ-ի սակարաններում աճի եւ շուկայում դրական տրամադրվածության շնորհիվ Տոկիոյի ֆոնդային սակարանում գնանշումները փոխհատուցեցին անկումը: Բացի դրանից, Տոկիոյում ներդրողները դրականորեն են ընկալել Ճապոնիայի հետ հարաբերություններն ամրապնդելու ցանկության վերաբերյալ Թրամփի արած հայտարարությունները, հաղորդել է ՏԱՍՍ-ը:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
