Ջուլիան Ասանժը ցուցմունք է տվել շվեդ դատախազի ներկայությամբ
Հասարակություն
Wikileaks պորտալի հիմնադիր Ջուլիան Ասանժը շվեդ դատախազ Ինգրիդ Իսգրենի ներկայությամբ, որը նրան այցելել էր Լոնդոնում Էկվադորի դեսպանատանը, պաշտոնական հայտարարություն է արել իր նկատմամբ հարուցված մեղադրանքների վերաբերյալ, տեղեկացնում է CNN-ը:
45-ամյա Ասանժը 2012 թվականից գտնվում է դեսպանատանը՝ երկյուղելով բրիտանական ոստիկանության կողմից ձերբակալվելուց եւ այնուհետեւ Շվեդիային հանձնվելուց, որն իր հերթին, նրա համոզմամբ, իրեն կհանձնի ԱՄՆ-ին: Այնտեղ նրան կարող է մահապատիժ սպառնալ Wikileaks-ի կողմից պետական գաղտնիքներ պարունակող տեղեկությունների հրապարակման գործով:
Շվեդիայում նրա դեմ մի քանի մեղադրանք է առաջադրվել երկու կանանց նկատմամբ սեռական բնույթի հանցագործություն կատարելու գործով, որը տեղի է ունեցել 2010 թվականին:
Ինչպես գրում է Wikileaks-ի թվիթերը, այս կազմակերպության հիմնադիրը «վեց տարվա ընթացքում առաջին անգամ հնարավորություն է ստացել հայտնել իր դիրքորոշումը»: Երկար ժամանակ շվեդ դատախազները հրաժարվում էին հաշվի առնել Ասանժի ցուցմունքները, պնդելով, որ օրենքն իրենց արգելում է քննել այն հայտարարությունները, որոնք արվել են տեսակապով կամ էլ դեսպանատան տարածքում, հաղորդել է «Ինտերֆաքս»-ը:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
