Խցանումից հոգնած չինացի կանայք պարեր են կազմակերպել

Չինաստանում միջին տարիքի շուրջ 30 կանայք, հոգնելով խցանման մեջ կանգնելուց, պարեր են կազմակերպել, տեղեկացնում է The South China Morning Post-ը:

Դա տեղի է ունեցել Չինաստանի հյուսիսի ճանապարհներից մեկում, որտեղ նոյեմբերի 13-ից բազմաթիվ խցանումներ են առաջանում թանձր ծխամշուշի պատճառով:

Ականատեսներից մեկի նկարահանած հոլովակն արագորեն տարածվել է սոցցանցերում: Համացանցի չինացի օգտատերերն ընդհանուր առմամբ հավանություն են տվել դրան, նշելով, որ «կանայք տրտում վիճակը վերածել են պարելու ուրախության»: