57-ամյա Փեգի Ուիթսոնը դարձել է պատմության մեջ ամենատարեց աստղագնացը
ԱՐԽԻՎ
Ամերիկուհի տիեզերական ռեկորդակիր 57-ամյա Փեգի Ուիթսոնը Բայկոնուրի տիեզերակայանից սկսել է դեպի Միջազգային տիեզերակայան (ՄՏԿ) իր երրորդ առաքելությունը՝ դառնալով ամենատարեց կինը տիեզերքում՝ դրա յուրացման ողջ պատմության ընթացքում, տեղեկացնում է BBC-ն:
«Սոյուզ» տիեզերական ապարատը նրան ՄՏԿ կհասցնի ռուսաստանցի Օլեգ Նովիցկու եւ ֆրանսիացի աստղանավորդ Թոմ Պեսկեի հետ միասին, որի համար այդ տիեզերական թռիչքն առաջինն է:
Նոյեմբերի 19-ին նրանք կժամանեն կայան, որտեղ արդեն գտնվում են ամերիկացի մի աստղանավորդ եւ ռուս երկու տիեզերագնաց: Մինչեւ 2017 թվականի մայիսը նրանք պետք է մի շարք փորձեր կատարեն ուղեծրում:
2002 թվականին կայացել է Ուիթսոնի առաջին թռիչքը տիեզերք, իսկ հինգ տարի անց նա դարձել է ՄՏԿ-ի պատմության մեջ անձնակազմի առաջին կին հրամանատարը:
Մինչեւ հաջորդ տարվա մայիսը Ուիթսոնը կգերազանցի եւս մեկ ռեկորդ, նա տիեզերքում ավելի շատ օրեր կանցկացնի, քան ցանկացած այլ ամերիկացի աստղանավորդ:
Նախորդ թռիչքների ընթացքում նա վեց անգամ դուրս է եկել բաց տիեզերք:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
