Կորեացի լուսանկարիչը Ֆրանսիայում մի ամբողջ գյուղ է գնել

Կորեացի լուսանկարիչ և գեղանկարիչ Ահաեն Ֆրանսիայում գնել է Կուրբեֆի անվամբ լքված գյուղը, գրում է The Guardian-ը, վճարելով դրա դիմաց 520,000 եվրո, ինչը մոտ 200,000-ով ավել է սկզբնական գնից։ Կուրբեֆին գտնվում է Լիմուզին նահանգում, Լիմոժ քաղաքից մոտ 50 կիլոմետր հեռավորությամբ։

Ահաեից բացի գյուղը գնել էին հավակնում ևս երկու մեծահարուստ, որոնցից մեկը ցանկանում էր այնտեղ ռիելիթի-շոու նկարահանել։ Թե ինչ է պատրաստվում գյուղի հետ անել լուսանկարիչը, դեռ պարզ չէ։ Գյուղի տարածքում կա XIII դարի ավերակ ամրոցի, մոտ երկու տասնյակ լքված տուն և հին ժամատուն։ Մի քանի տարի է, ինչ գյուղում ոչ ոք չի բնակվում։

Գյուղը դատարկվել է սկսել 1970-ականներին, երբ տեղացիները՝ հիմնականում ֆերմերներ, մասսայաբար սկսեցին արտագաղթել։  Հետագայում փորձեր արվեցին փրկել բնակավայրը դատարկվելուց՝ վերածելով այն առողջարանի, ինչը, սակայն, հաջողություն չունեցավ նախագծի մեծ ինքնարժեքի պատճառով։

Գյուղը վաճառվեց երկու փուլով։ Առաջին անգամ Credit Agricole բանկը, որին գյուղն անցել էր վերջին սեփականատիրոջ սննկացումից հետո, այն վաճառքի էին հանել 2012-ի փետրվարին, սակայն ոչ մի առաջարկ չէր ստացվել։

Ահաեն բնակվում Նյու Յորքում և մասնագիտանում է բնապատկերների լուսանկարչության մեջ։ Նրա աշխատանքները կանոնավոր կերպով ցուցադրվում են աշխարհով մեկ։ Վերջին ցուցադրությունը տեղի կունենա հունիսի 26-ին Փարիզում։