Եմենում 60 ուղևորով նավ է կորել

Արաբական ծովում նավ է անհետացել, որը Եմենի իշխանությունները հինգ օր շարունակ չեն կարողանում գտնել: Նրանք երկյուղում են, որ նավում գտնվող 60 ուղեւորները զոհվել են, տեղեկացնում է BBC-ն:

Երկրի ձկնորսության նախարարությունը հայտնել է, որ նավն Արաբական ծովում անհետացել է Սոքոթրա կղզու մոտ

Իշխանությունները փորձում են գտնել նավը: Նրանք վախենում են, որ ուղեւորները կարող են խեղդված լինել:

Նավում եղել են կանայք եւ երեխաներ: Նավը մեկնել էր էլ Մուքալլա նավահանգստից:

Իշխանությունները նաեւ հայտնել են, որ երկու մարդու հաջողվել է փրկել: Նրանց հայտնաբերել են ավստրիական եւ ավստրալական նավերը, ճշտել են Եմենի պետական զանգվածային լրատվամիջոցները: