Լիտվան հաշվում է խորհրդային օկուպացիայի վնասը

Լիտվայի իշխանությունները որոշել են հաշվարկել ԽՍՀՄ-ում գտնվելու արդյունքում երկրին հասցված վնասի չափը։ Դրանով կզբաղվի կառավարության կողմից հատուկ ստեղծված հանձնաժողովը, որը կգլխավորի Լիտվայի Ցեղասպանության և բնակչության դիմադրության կենտրոնի նախագահ Բիրուտե Բուրաուսկայտեն։

Գործակալության տվյալներով, այս հանձնաժողովին հանձնարարված է նաև հող նախապատրաստել ՌԴ-ի հետ Լիտվային հասցված վնասի փոխհատուցման վերաբերյալ բանակցությունների համար անհրաժեշտ նախապատրաստությունը, ինչը պետք է ներկայացվի հունիս ամսին։

Անցյալում Լիտվան բազմաթիվ անգամ քննարկել է «օկուպացիայի վնասի» թեման, որի հետևանքով ՌԴ-ից, որպես ԽՍՀՄ իրավահաջորդից պահանջել են փոխհատուցել այն։ 2000 թվականին վնասը գնահատվել է 30 միլիարդ դոլար, մինչդեռ այժմ նշվում է շատ ավելի մեծ թիվ՝ 834 միլիարդ, հաղորդում է REGNUM-ը։ Դրա մեջ է մտնում նաև ԽՍՀՄ օրոք կառուցված Իգնալինի ատոմակայանի հետագայում մեծ ծախսեր պահանջած փակումը (պահանջը ներկայացվել էր ԵՄ կողմից)։

Նմանատիպ պահաջներ է ներկայացնում նաև Լատվիան, ուր ևս մի քանի տարի գործել է վերոնշյալ հանձնաժողովի նմանակը։

Ռուսաստանը մերժում է բոլոր այս պահանջերը՝ ի պատասխան սպառնալով առաջ քաշել սեփական մեղադրանքներ՝ ԽՍՀՄ գույքի՝ տվյալ երկրներում մնալու փաստով։

Հիշեցնենք, որ բալթյան երկրները բռնակցվել են ԽՍՀՄ-ին 1940 թվականին խորհրդային զորքերի կողմից օկուպացվելու արդյունքում։ Պետական մարմինները, որոնք այդ ժամանակ ընտրվել են երկրում, բաղկացած են եղել միայն կոմունիստամետ ուժերից, որոնք էլ հաստատել են երկրների՝ ԽՍՀՄ-ին միանալը։ ԽՍՀՄ փլուզումից հետո մերձբալթյան երկրներն այդ ժամանակաշրջանը բնութագրում են որպես «օկուպացիոն»։