Մարսագնացը լուսանկարել է Ինդեվոր խառնարանը

Opportunity մարսագնացը լուսանկարել է Ինդեվոր խառնարանի համայնապատկերը. Լուսանկարներն ու դրանց նկարագրությունները հասանելի են NASA-ի պաշտոնակայն կայքում։ Լուսանկարի վրա լավ տեսանելի են սարքի սեփական ստվերը, ինչպես նաև խառնարանի հեռավոր լեռներիզը (խառնարանի տրամագիծը կազմում է 22 կմ)։ Լուսանկարն արվել է Pancam խցիկի միջոցով տեղական ժամանակով երեկոյան 4-5-ի միջակայքում։

Նկարը գունափոխված է տարածաշրջանի երկրաբանական կազմությունների տարբերությունները երևակելու համար, որոնք մարսագնացն ուսումնասիրում է 2011 թվականի օգոստոսից ի վեր, երբ սարքը հասավ խառնարանի սահմաններին։

2012-ի մայիսի կեսին մարսագնացը կրկին ակտիվացավ «ձմեռային քնից» հետո, երբ այն կայանել էր խառնարանի մոտակայքում 19 շաբաթ առաջ։

Opportunity և Spirit մարսագնացների զույգը մոլորակ է ուղարկվել 2003 թվականին Mars Exploration Rovers պրոյեկտի շրջանակներում և տեղ է հասել 2004-ին։ Նախապես պլանավորված էր, որ դրանք կաշխատեն 90 մարսյան օր, սակայն նրանց աշխատանքն անխափան ընթացավ է արդեն 5 տարի։

Այժմ սարքին է միայն Opportunity մարսագնացը։ Մյուսը՝ Spirit-ը, 2009-ին խրվեց ավազում և կորցրեց անիվներից մեկը։ Մի քանի ամիս մասնագետները փորձում էին փրկել այն, ինչը չհաջողվեց, և 2010-ի սկզբին պաշտոնական որոշում կայացվեց դադարեցնել այդ ուղղությամբ աշխատանքները։