Dragon տիեզերանավն անցել է փորձարկումներն ուղեծրում

Dragon տիեզերանավի պլանային փորձարկումները ուղեծրում հաջողությամբ են անցել։ Ամբողջ պրոցեսն ուղիղ եթերում հեռարձակվել է Ամերիկյան տիեզերական ընկերության կողմից։

Փորձարկումների շրջանակում տիեզերանավը կմոտենա Միջազգային տիեզերական կայանին մոտ 2.4 կմ հեռավորության վրա։ ՄՏԿ-ի անձնակազմը հաջողացրել է հաղորդել անհրաժեշտ ազդանշանը, որը միացրել է Dragon-ի լույսերը։

Նմանապես, հաջողությամբ է ավարտվել RGPS (Relative GPS) համակարգի փորձարկումը, որը նախատեսված է ՄՏԿ-ի նկատմամբ տիեզերանավի դիրքը ճշգրտելու համար։ Մերձցման հաջորդ փուլը տեղի կունենա այսօր, երբ երկու տիեզերանավերը կմիակցվեն։ 

SpaceX ընկերության կողմից նախագծված Dragon մասնավոր տիեզերանավը տիեզերք է ուղարկվել մայիսի 22-ին՝ տեղափոխելով ՄՏԻ-ի գործունեության համար անհրաժեշտ մոտ 500 կիլոգրամ բեռ՝ ուտելիք, ջուր և սարքավորում և Երկիր կվերադարձնի մոտ 660 կգ ՄՏԻ-ից։

Նախատեսվում է, որ հետագայում այս տիպի տիեզերանավերը լրամշակման և կատարելագործման արդյունքում կկարողանան տիեզերք տեղափոխել մինչև 6 տոննա բեռ 7 հոգանոց անձնակազմի հետ միասին։

Նշենք, որ Dragon տիեզերանավի մեկնարկը պատմական մեծագույն իրադարձություններից է, քանի որ առաջին անգամ տիեզերական ոլորտ է մուտք գործում մասնավոր ընկերություն։ Սա կարող է մեծապես խթանել տիեզերական տարածության նվաճման ընթացքը՝ նոր դռներ բանալով մարդկության զարգաման և առաջընթացի համար։