«Մերժման ստվերը». Կալիֆոռնիայի համալսարանի հայ ուսանողները բողոքել են Հայոց ցեղասպանությունը ժխտողների դեմ

Կալիֆոռնիայի համալսարանի հայ ուսանողների ասոցիացիան (ASA at UCLA) փետրվարի 9-ին կազմակերպել է ամենամյա «Մերժման ստվերը» ակցիան, որի նպատակն էր տեղեկացնել 1915-ին Օսմանյան կայսրությունում տեղի ունեցած Հայոց ցեղասպանության մասին:

Ակցիայի մասնակցիները շրջել են համալսարանական քաղաքում «Ցեղասպանության վերջին փուլը ժխտումն է», «Չպատժված հանցանքը խրախուսված հանցանք է», «Մի ժխտեք մեր պատմությունը» պաստառներով՝ արտահայտելով իրենց բողոքը ցեղասպանության փաստը ժխտող պետությունների նկատմամբ:

«Մենք հավաքվեցինք ողջ մայրցամաքից և միահամուռ ցույց տվեցինք, որ հայերը ցեղասպանությունը չեն հիշում միայն ապրիլին, և մենք պայքարում ենք Հայոց ցեղասպանության ճանաչման համար ողջ տարին: Ճանաչման համար պայքարը չի կարող ավարտվել քանի դեռ Թուրքիան, Միացյալ Նահանգները և էլի մի շարք պետություններ չեն ճանաչել ցեղասպանության փաստը: Շնորհակալ ենք բոլորին ովքեր ներկա էին «Մերժման ստվերը» ակցիային: Ձեր աջակցությունը մեծ նշանակություն ունի ոչ միայն Կալիֆոռնիայի համալսարանի, այլ նաև ողջ սփյուռքի համար»,- նշված է ASA at UCLA-ի ֆեյսբուքյան էջ ում: