Մանրամասներ՝ Լեռնանիստում խանութի փլուզումից

Փետրվարի 14-ին, ժամը 10:15-ին ահազանգ է ստացվել, որ Կոտայքի մարզի Լեռնանիստ գյուղում՝ մթերային խանութում, տեղի է ունեցել պայթյուն: Ըստ նախնական տվյալների՝ կա երկու զոհ և երկու տուժած: 

ԼՈւՐԵՐ.com-ի զրույցում համայնքի ղեկավար Արտյոմ  Հայրապետյանը տեղեկացրեց, որ խանութը պատկանում էր գյուղի բնակիչ Գագիկ Ալոյանին, ում կինն այդ պահին եղել է խանութում: Ըստ տեղեկության՝ մահացածներից մեկը եղել է հենց խանութի սեփականատիրոջ կինը՝ Ալմիդա Մեսրոպյանը, մյուսը՝ հաճախորդ՝ նույն գյուղի բնակիչ Անուշ Սարգսյանը: 

Համայնքապետն ասաց, որ վիրավորներին տեղափոխել են Երևան, վիրահատության պետք կատարվի: Նրա փոխանցմամբ՝ վիրավորներից երկուսը խանութի սեփականատիրոջ որդիներն են: Հայրապետյանի խոսքով՝ խանութի փլուզման պատճառը դեռ հայտնի չէ, իրավապահների կողմից աշխատանքներ են կատարվում պատճառները պարզելու ուղղությամբ: 

Լուսանկարը՝ shamshyan.com-ի