Պարզվել է ժառանգական սոցիալական անհավասարության ծագման ժամանակը

Հնագետները պարզել են, որ ժառանգական սոցիալական անհավասարությունը ծագել է նվազագույնը 7 հազար տարի առաջ։ Հոդվածը հայտվել է Proceedings of the National Academy of Sciences պարբերականում, որի համառոտ բովանդակությունը  ներկայացնում է ScienceNOW-ն։

Աշխատանքի շրջանակներում գիտնականները վերլուծել են այսպես կոչված գծաժապավենային խեցեղենի մշակույթին վերաբերող թաղումների մնացորդներ։ Այն ամենահայտնի նոր քարեդարյան մշակույթներից է։

Ուսումնասիրողները պարզել են ոսկորներում ստրոնցիում-86 և ստրոնցիում-87 իզոտոպներիհարաբերակցությունը, որի վրա ազդում է նաև այն հողը, որի վրա ապրել են այդ մարդիկ։ Իզոտոպների հարաբերակցությունը համեմատվել է թաղումների պարունակության հետ։ Խնդիրն այն է, որ որոշ թաղումներում գիտականները հայտնաբերում էին կացինների տեսակներ, որոնք համարվում են ապահովության սիմվոլ։

Վերլուծությունը թույլ տվեց պարզել, որ կացիններող թաղված անձինք երկար ժամանակ ապրել են բարեբեր հողերի վրա, ինչից գիտնականները եզրակացրել են, որ նրանք այդ հողը ստանում էին ժառանգաբար։ Ըստ նրանց կարծիքի, սոցիալական անհավասարության հիմքերը դրվել են մոտ 11 հազար տարի առաջ երկրագործության առաջացմանը զուգընթաց։