Թուրք դաշնակահարին կդատեն աթեիզմի համար

Թուրքիայի իշխանությունները թուրք դաշնակահար և կոմպոզիտոր Ֆազիլ Սային մեղադրել են կրոնական արժեքների ոտնահարման և թշնամության սերմանման մեջ։ Ինչպես հաղորդում է France-Presse գործակալությունը, վկայակոչելով երաժշտի փաստաբանին, դատական գործը կսկվի 2012-ի հոկտեմբեր ամսին Ստամբուլում։ Եթե նա մեղավոր ճանաչվի, նրան սպառնում է մինչև 1.5 տարի ազատազրկում։

Փաստաբանը նաև հաղորդել է, որ 42-ամյա դաշնակահարը մտադիր է ներկա գտնվել լսումներին։

Ինչպես հայտնում է France-Presse գործակալությունը, Թուրքիայի պահպանողական իսլամական շրջանակների դժգոհությունն առաջացել է իսլամի վերաբերյալ Սայի՝ Twitter սոցցանցում զետեղված դիտարկումներից։

Ավելի վա Հուրրիեթ թերթին տված հարցազրույցում Սայը պատմել է, որ իր աթեիստ լինելու մասին հայտարարելուց հետո նա հայրենիքում ակտիվ քննադատության է ենթարկվում, ինչը խոսում է թուրքական հասարակությունում անհանդուրժողականության աճի մասին։ Բացի այդ, կոմպոզիտորը հաղորդել է, որ մտադիր է տեղափոխվել Ճապոնիա։

Սայը նշել է, որ հավանաբար ինքն առաջին մարդն է, որը քրեական հետապնդման է ենթարկվում աթեիստ լինելու մասին բարձրաձայնելու համար։