Հոտնկայս ծափահարություններ և բուռն էմոցիաներ. կայացավ Տիգրան Համասյանի երևանյան համերգը

Մայիսի 8-ին Երևանում՝ Արամ Խաչատրյան մեծ համերգասրահում, կայացավ ջազ-դաշնակահար Տիգրան Համասյանի մենահամերգը:

Համասյանը հերթական անգամ հանդիսատեսին իր երաժտությունը կենդանի հնչողությամբ վայելելու հնարվորություն տվեց:

Ինչպես միշտ՝ լեփ-լեցուն դահլիճում ծափողջույնների ներքո երաժիշտը ներկայացավ իր համերգային ծրագրով: Այս անգամ հնչեց An Ancient Observer («Հին դիտորդը») ալբոմի ստեղծագործությունները` «Մարկոս և Մարկոս», «Եգիպտացի պոետը», «Վերածննդի քարանձավը» և այլ ստեղծագործություններ:

Իսկ «Leninagone» ստեղծագործությունն էլ Համասյանը նվիրեց 1988-ի երկրաշարժը ապրած իր հասակակիցներին:

Նշենք, որ մայիսի 7-ին ևս երևանյան հանդիսատեսը համերգային այս ծրագիրը դիտելու հնարավորություն էր ունեցել:

Տիգրան Համասյանը համերգային այս ծրագրով հանդես կգա նաև աշխարհի տարբեր ծայրերում: