Մարդատար ավտոբուսը վթարի է ենթարկվել. կան վիրավորներ և մեկ զոհ

Երևան-Արտաշատ ավտոճանապարհի 4-րդ կմ-ին խոշոր ավտովթար է տեղի ունեցել.կան վիրավորներ եւ մեկ զոհ:

Հայաստանի ԱԻՆ փրկարար ծառայությունից հայտնում են, որ դեպքի վայր է մեկնել մեկ մարտական հաշվարկ:

Դեռևս չբացահայտված հանգամանքներում Երևան-Մեղրի ավտոճանապարհի 12-րդ կմ-ում ճանապարհի երթևեկելի մասից դուրս է եկել ու շրջվել Երեւան-Վեդի երթուղու «ՖԱՈՒ» մակնիշի 3382 L համարանիշի մարդատար ավտոբուսը. առկա է վառելիքի արտահոսք:

Մինչ հրշեջ-փրկարարների ժամանումը' ավտոբուսի վարորդ, Մխչյան գյուղի բնակիչ, 44-ամյա Լ. Կարապետյանը եւ ուղեւոր' Երեւանի Մյասնիկյան 43 տան բնակիչ՝ 58-ամյա Կ. Թովմասյանը տեղափոխվել են մայրաքաղաքի «Էրեբունի» բժշկական կենտրոն:

Դեպքի վայրից նույն հիվանդանոց է տեղափոխվել նաեւ մոտ 70 տարեկան անձը չպարզված կին, որը ճանապարհին մահացել է:

Ըստ բժիշկների՝ տուժածների առողջական վիճակը կայուն-ծանր է:

Հրշեջ-փրկարարներն իրականացրել են ավտոճանապարհի լվացման աշխատանքներ: