ՄԱԿ-ի դիտորդները որոշել են մնալ Սիրիայում

Երեքշաբթի ՄԱԿ-ի պատասխանատուն հայտարարել է, որ ՄԱԿ-ի դիտորդները շարունակելու են մնալ Սիրիայում չնայած նրան, որ բռնությունների թիվը աճել է, ինչն էլ ինքնաբերաբար սպառնում է Սիրիայում իրենց առաքելության աշխատանքներին, քանի որ հազարավոր մարդիկ այժմ ապաստան են գտել անդադար ռմբակոծվող բնակավայրերում:

ՄԱԿ-ի անվտանգության խորհրդի ժողովից հետո ՄԱԿ-ի խաղաղապահ առաքելության ղեկավարը՝ Հերվե Լադսուսը, հայտարարել է, որ այս պահին, ամբողջովին դադրեցնելով իրենց գործողությունները, նրանք որոշել են չդադարեցնել իրենց առաքելությունը և ավելացրել, որ դրա ժամկետը լրանում է հուլիսի 20-ին, և իրենք շատ արագ պետք է մտածեն, թե որոնք են լինելու իրենց հաջորդ քայլերը, քանի որ հենց դրա համար են աշխատում:

Ռոբերտ Մուդը ասել է, որ ՄԱԿ-ի դիտորդների բարոյական պարտքն է մնալ Սիրիայում:

ՄԱԿ-ի անվտանգության խորհրդի ժողովից առաջ ՄԱԿ-ի գլխավոր քարտուղար Բան Կի Մունը ցանկություն է հայտնել, որ խորհրդի 15 անդամները միավորվեն ու շարունակական ճնշում գործադրեն Դամասկոսի ռեժիմի վրա, այլապես կգա մի ժամանակ, երբ արդեն ուշ կլինի բռնությունների այս շարանի դեմն առնելը:

Քոֆի Անանը խորհուրդ է տվել դադրեցնել կրակը։ Քաղաքական դիալոգն իր հերթին գտնվում է անհույս վիճակում:

Վլադիմիր Պուտինը G20 գագաթնաժողովի ժամանակ հայտարարել է, որ ոչ ոք իրավունք չունի որոշել մեկ ուրիշ երկրի փոխարեն, թե ով պետք է իշխանության լինի, ով՝ ոչ, իսկ Բարաք Օբաման իր հերթին ասել է, որ Ռուսաստանը և Չինաստանը, առանց համակարգործակցելու միջազգային դիտորդական առաքելությունների հետ, Սիրիայի դեպքերը որակում են ընդամենը որպես «քաղաքացիական պատերազմ»: