Հետաքրքիր տեղեկություններ խմելու ջրի մասին

Մարդու օրգանիզմը 70%-ով բաղկացած է ջրից, իսկ օրգանիզմի նորմալ կենսագործունեության համար հասուն մարդն օրական պետք է օգտագործի 2 լիտր (8 բաժակ) ջուր:

Գիտությանը հայտնի է ավելի քան 20 հազար նյութ, որոնք կարող են աղտոտել խմելու ջուրը: Այդ նյութերի մեծ մասն անտեսանելի են մարդու աչքին և չունեն համ կամ հոտ:

Եվրոպայում լավագույն քաղաքային ջրամատակարարման համակարգ և լավագույն որակի ջուր ունեցող երկիրը համարվում է Շվեյցարիան: Միևնույն ժամանակ, ջուրը ֆիլտրող սարքերը ամենալայն տարածումն ունեն հենց այս երկրում: Շվեյցարիան նաև կյանքի առավելագույն տևողությամբ առաջատարներից է ամբողջ աշխարհում:

ԱՄՆ-ում պարզել են, որ վաճառվող շշալցված ջրերի 25%-ը սովորական քաղաքային ջուրն է՝ ֆիլտրած վիճակում: Հետազոտություննեը ցույց են տվել, որ քլորացված ջրի օգտագործումը 80%-ով բարձրացնում է միզապարկի քաղցկեղի առաջացման ռիսկը: Իսկ մաքուր ջրի օգտագործումը, ընդհակառակը, նվազեցնում է հաստ աղիքի քաղցկեղի առաջացման ռիսկը 45%-ով և կրծքի քաղցկեղինը՝ 79%-ով:

Շշալցված ջուրը ապահով է խմելու համար, սակայն «կանգնած» ջուրն ունի հնանալու հատկություն: Դուք երբեք չգիտեք, թե երբ է այդ ջուրը շշալցվել և մինչև խանութում հայտնվելը որքան ժամանակ է պահեստավորվել: Բացի դրանից, շշի պատրաստման համար օգտագործվող պլաստիկ նյութի մասնիկները կարող են հայտնվել ջրում, եթե շիշը ենթարկվում է ցածր կամ բարձր ջերմաստիճանային ներգործության, օրինակ՝ երբ այն երկարատև պահվում է սառնարանում կամ գտնվում է արևի տակ: