Շոտլանդիային փորձում են համոզել մնալ Մեծ Բրիտանիայի կազմում
ԱՐԽԻՎ
Շոտլանդիայի հնարավոր անկախացման հարցով հանրաքվեին ընդառաջ կազմավորվել «Լավ է միասին» կարգախոսով մի շարժում, ինչի նպատակն է շոտլանդացիներին համոզել մնալ Միացյալ Թագավորության կազմում:
Պաշտոնապես ընկերությանը սատարում են լեյբորիստական, կոնսերվատիվ և լիբերալ–դեմոկրատական կուսակցությունները, հայտնում է նախկին ֆինանսների նախարար, Էդինբուրգից բրիտանական պառլամենտի անդամ Ալիսթեր Դարլինգը:
Իր խոսքերով, եթե Շոտլանդիան դուրս գա Մեծ Բրիտանիայի կազմից, «ետդարձի ճանապարհ այլևս չի լինելու»:
Ալիսթեր Դարլինգն ասում է. «Անկախությունը տվյալ պարագայում նման է մեր երեխաներին անհայտ ուղղությամբ ուղարկելու միակողմանի տոմս գնելուն»:Նա համոզված է, որ Շոտլանդիան Էդինբուրգում սեփական պառլամենտ ունենալով միայն կշահի, սակայն պիտի մնա Միացյալ Թագավորության կազմում:
Շոտլանդիայի կառավարությունը մտադիր է 2014թ. աշնանը անկախության հարցով հանրաքվե անցկացնել: Անկախացման շարժումը ստեղծվել է մայիսին, «Այո՛ Շոտլանդիա» կարգախոսով։ BBC-ի հետ հարցազրուցի ժամանակ Ալիսթեր Դարլինգը խոստացել է, որ շարժումը «շատ պոզիտիվ» կլինի:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
