Իշխանության ընտրվելն ավանսն էր, որը պետք է վերադարձվի. Արամ Մանուկյան

Աշնանը նոր որակով շարժումը կշարունակվի, ես սպասում եմ ներքին և արտաքին վերադասավորումների։ Այս մասին այսօր լրագրողների հետ հանդիպմանն ասաց Հայ ազգային կոնգրեսի ներկայացուցիչ, ԱԺ պատգամավոր  Արամ Մանուկյանը։

Նրա խոսքերով, ներպետական փոփոխությունները կախված են լինելու ներքին խնդիրների հետ՝ կոռուպցիայի աճ, թանկացում, բյուջեի անմխիթար վիճակ, այս ամենը, ըստ Մանուկյանի, կբերի ներհայաստանյան նոր իրավիճակի։

«Աշնանը նոր թափ կստանա հայ–թուրքական սահմանի հարցը, Ղարաբաղի հետ կապված հարցը։ Սիրիայի և Իրանի դեպքերի հետ ռեգիոնում բոլոր օջախները թեժանում են, և, բնականաբար, Հայաստանը չի կարող խուսանավել, մեր չընտրյալ իշխանությունները պարտք ունեն տալու։ Նրանց ընտրվելը՝ ավանսն էր, որը պետք է վերադարձվի»,– ասաց Մանուկյանը և հավելեց, որ ռեգիոնալ խնդիրները լուծելու միջազգային կառույցների պայմաններին իշխանությունները կարձագանքեն այնպես, ինչպես կհրահանգեն։