Ճապոնիայում իշխող կուսակցությունից դուրս է եկել 50 պատգամավոր

Ճապոնիայի դեմոկրատական կուսակցությունը լքել է 50 պատգամավոր (38-ը՝ պառլամենտի ստորին և 12-ը՝ վերին  պալատից): Այդ մասին այսօր հայտնել է Agence France-Presse-ը։ Չնայած այս ամենին՝ վարչապետ Եսիխիկո Նոդայի կուսակցության ստորին պալատում մնացել է մեծամասնական 251 տեղ 480 տեղից, իսկ վերինում՝ 92-ը 242-ից ։

«Ի սկզբանէ իշխող կուսակցությունը ցանկացել է լքել 52 պատգամավոր, բայց 2-ը մտքափոխվել են»,-այս մասին պատմել է ՃԴԿ-ի նախկին առաջնորդ Իտիրո Օձավայի դաշնակից Քենձի Յամաոկան։ Օձավան նույնպես դասվում է կուսակցությունը լքող պատգամավորների շարքին։ Ճապոնիայի դեմոկրատական կուսակցության ղեկավարությունը պլանավորում է քննարկել ստեղծված իրավիճակը հուլիսի 2-ին։ Ինչպես նշում է Reuters-ը՝ Օձավայի հեռանալը նպաստում է իրենց կուսակցության համագործակցությանը Ճապոնիայի լիբերալ-դեմոկրատական և «Կոմեյտո» կուսակցության հետ։ Նոդան զգուշացրել է, որ ՃԴՊ-ի այն պատգամավորները, ովքեր դեմ են քվեարկել հարկերի բարձրացմանը, «ինքը այդ հարցը լուծելու է կուսակցության կանոններով նրանց հետ»։ Որպեսզի ճապոնացիները ավելի բարիդրացիական վերաբերեն նոր իրականացվող քաղաքականությանը, Նոդան որոշել է 30%-ով կրճատել սեփական աշխատավարձը։ Ճապոնիայի տնտեսությունը լուրջ վնասներ է կրել 2011թ. երկրաշարժից հետո, և ճգնաժամը հաղթահարելու համար Նոդան առաջարկում է բարձրացնել հարկերը։