Ճապոնիան Չինաստանին բողոք է ներկայացրել

Ճապոնիայի ԱԳՆ-ը կանչել է Չինաստանի դեսպանին և պաշտոնական բողոք արտահայտել իր տարածքային ջրեր չինական նավերի ներխուժման կապակցությամբ։ Միջադեպը տեղի է ունեցել Սենկակու կղզիների մոտակայքում, որոնց սեփականության շուրջ վիճում են և՛ Տոկիոն, և՛ Պեկինը։

«Այլ երկրի տարածքային ջրեր ներխուժելը շատ լուրջ է և նման միջադեպերն անընդունելի են մեր երկրի համար,- ընդգծել է Ճապոնիայի արտաքին գործերի նախարարի տեղակալ Կենյիտիրո Սասաեն՝ կոչ անելով Չինաստանին այսուհետ զերծ մնալ նման գործողություններից։

Սակայն Չինաստանի դեսպանն իր հերթին հայտարարել է Տոկիոյին, որ Սենկակու (կամ ինչպես Չինաստանում են ասում՝ Դյաոյուդաո) կղզիները «ՉԺՀ-ի տարածքն են» և չինական նավերը կարող են ազատ նավարկել այդ ջրերում։

Հիշեցնենք, որ Ճապոնիայի կառավարությունը պլանավորում է գնել Տոկիոյի և Պեկինի միջև տարածքային վեճի առարկա Սենկակու կղզիների մի մասը, քանի որ Չինաստանը համարում է, որ այդ կղզիները պատմականորեն պատկանում են իրեն։