Սկսվել է գյուղմթերքների վերաբերյալ պայմանագրերի կնքման գործընթացը

Պտուղբանջարեղենի և խաղողի գնման պայմանագրերի կնքման գործընթաց.

Սկսվել է ընթացիկ տարվա պտուղբանջարեղենի և խաղողի բերքի գնման նպատակով գյուղացիական տնտեսությունների և վերամշակող ընկերությունների միջև պայմանագրերի կնքման գործընթացը:

Սույն թվականի հուլիսի 3-ի դրությամբ կնքվել է 4346 պայմանգիր, որից 3362-ը՝ խաղողի և 984-ը՝ պտուղբանջարեղենի գնման:
Պայմանագրերի շրջանակներում գյուղացիական տնտեսություններին տրամադրվել է 122.8 մլն. դրամ կանխավճար և 191.1 մլն. դրամի բուժանյութեր և այլ օժանդակություն:

Պայմանագրերի կնքման գործընթացը շարունակվում է:

Արտահանում.

Սույն թվականի հուլիսի 10-ի դրությամբ հանրապետությունից արտահանվել է 10879.8 տոննա պտուղբանջարեղեն, որից' 8429.05 տոննա ծիրան, 579.29 տոննա կեռաս, 2.73 տոննա սալոր և 847.9 տոննա խաղող:

Նախորդ տարվա նույն ժամանակահատվածում արտահանվել էր 6983.62 տոննա պտուղբանջարեղեն, որից 5267.05 տոննա ծիրան, 476.75 տոննա կեռաս, 0.12 տոննա սալոր և 326.16 տոննա խաղող:

2011 թվականին տարեկան արտահանվել էր ընդամենը 16884.03 տոննա պտուղբանջարեղեն, որից 7301.34 տոննա ծիրան:

Մթերում.

Սույն թվականի հուլիսի 10-ի դրությամբ հանրապետության պտուղբանջարեղեն վերամշակող ընկերությունների կողմից մթերվել է 5648.7 տոննա պտուղբանջարեղեն, որից 5118.1 պտուղ, այդ թվում՝ 4018.2 տոննա ծիրան և 530.6 տոննա բանջարեղեն:

Նախորդ տարվա նույն ժամանակահատվածում մթերվել էր 3058.8 տոննա պտուղբանջարեղեն, որից 2681.4 տոննա պտուղ, այդ թվում՝ 615.8 տոննա ծիրան և 377.4 տոննա բանջարեղեն: