Իրանում խուսափում են հավի մսի ցուցադրությունից

Իրանի իշխանությունները խորհուրդ են տվել տեղական հեռուստաալիքներին՝ խուսափել այնպիսի ֆիլմերից և հաղորդումներից, որտեղ ցուցադրվում են հավի մսով ճաշատեսակների տեսարաններ:

Պաշտոնյաների կարծիքով՝ այդպիսի տեսարանները կարող են նախանձ և ագրեսիա առաջացնել սոցիալապես անապահով հասարակության շրջանում, ովքեր չեն կարող իրենց նման շքեղություն թույլ տալ:

«Հեռուստատեսությունը չպետք է անհասանելի ցուցափեղկ լինի հասարակության անապահով խավի համար»,- պարզաբանել է ԱԳՆ ղեկավար Էսմաիլ Ահմադի-Մոքադամը:

Իրանի տնտեսական վիճակի վատթարացման պատճառով երկրում գնաճը հանգեցրել է նրան, որ նույնիսկ հավի միսն անթույլատրելի շքեղություն է դարձել բազմաթիվ բնակիչների համար: