Բիզնես կլասի ուղևորների համար նախատեսված սենդվիչներում կարելու ասեղներ են հայտնաբերվել

Ամերիկյան Delta Air ավիաընկերությունը ՖՀԲ-ի հետ համատեղ հետաքննություն է անցկացնում` բացահայտելու համար, թե ինչպես է Ամստերդամից ԱՄՆ թռչող ինքնաթիռներում ուղևորների սենդվիչների մեջ ասեղներ հայտնվել,-հաղորդում է AP-ը։

Delta Air-ի տվյալներով՝ սենդվիչներում կարելու ասեղներ հայտնաբերելուց անմիջապես հետո իրենց ղեկավարությունը ավիաընկերության բոլոր ինքնաթիռների աշխատակիցներին տեղեկացրել է միջադեպի մասին:

Իսկ հնդկահավի մսով սենդվիչը, որի մեջ հայտանբերվել են ասեղներ, պատրաստել է հոլանդական Gate Gourmet ընկերությունը, որը նույնպես վստահեցրել է, որ ինքը ևս միջադեպի վերաբերյալ կսկսի լայնամասշտաբ հետաքննություն: