Սերը և սեքսը տեղակայված են մարդու ուղեղի նույն հատվածում

Վերջերս իրականացված միջազգային ուսումնասիրությունը, որը հրապարակվել է Sexual Medicine պարբերականում, առաջինն է իր տեսակի մեջ. տեղծվել է սերտորեն կապված զգացմունքների՝ սիրո և սեքսի ճշգրիտ քարտեզն ուղեղում։ Մինչ օրս ոչ ոք երբեք չեր կապել այս զգացմունքները դրանց ակտիվացման օրինաչափությանը հետևելու համար, ասում է հոգեբան Ջիմ Պֆաուսը։

Պարզվել է, որ սերը և սեռական ցանկությունն ակտիվացնում են գլխուղեղի նույն հատվածները։ Պֆաուսն իր շվեյցարացի գործընկերների հետ պարզել են, որ ուղեղի երկու հատվածները, մասնավորապես՝ բծավոր մարմինը և գանգուղեղի կղզյակը, պատասխանատու են սեռական ցանկությունից դեպի սեր անցման համար։

Այսինքն, հենց սեռական ցանկության զգացմունքը վերածվում է սիրո, դրանք տեղակայվում են բծավոր մարմնի տարբեր մասերում։ Փոքր ինչ զարմանալի է, որ բծավոր մարմնի այդ հատվածը ուղեղի նույն հատվածն է, որը կապված է նաև թմրամոլության հետ։ Պֆաուսն այս փաստը բացատրում է այն հանգամանքով, որ սերն իրականում սովորություն է, որը ձևավորվում է սեռական ցանկության բավարարման հետևանքով։ Նրա աշխատանքի սկզբունքը նման է թմրանյութերից կախվածության առաջացման սկզբունքներին, հաղորդում է Росбалт-ը։