Toyota-ն թողարկել է 200 միլիոներորդ ավտոմեքենան

Toyota-ն հայտարարել է 200 միլիոներորդ մեքենայի թողարկման մասին։ Թե որ մոդելն է դարձել հոբելյանական, չի նշվում։ Ըստ Marketwatch-ի, Ճապոնիայի տարածքում մակնիշի ամբողջ պատմության ընթացքում թողարկվել է 145 մլն ավտոմեքենա: Եվս 55 մլն Toyota մակնիշի մեքենա թողարկվել է արտասահմանում:

«Ես ուզում եմ հայտնել իմ անկեղծ երախտագիտությունը մեր բոլոր հաճախորդներին, քանի որ հենց նրանք են օգնել հասնել այսպիսի անհավատալի արդյունքի: Մենք հայտնում ենք մեր խորին հարգանքն ու երախտագիտությունը բոլոր նրանց, ովքեր ջանք են գործադրել Toyota-ի նոր մոդելների մշակման, արտադրության և վաճառքի գործում: Ընկերությունը մտադիր է հետագայում ևս կատարելագործել այս մակնիշի մեքենաները: Մեր հաջորդ նպատակը 300 մլն մեքենա արտադրելն է», - ասել է Toyota Motor Corporation ընկերության նախագահ Ակիո Տոյոդան։

Նշենք, որ Toyota ընկերությունը թողարկել է իր 100-միլիոներորդ մեքենան 1997 թ.՝ ընկերության հիմնադրման օրից 61 տարի անց։ Իսկ աշխարհում ամենատարածված մոդելը մնում է Toyota Corolla-ն։