Վանո Սիրադեղյանը ողջ է, ավելին` զբավում է ստեղծագործական աշխատանքով. Սուրեն Սիրունյան

Lurer.com-ը խոսել է Վանո Սիրադեղյանի թիկնազորի նախկին պետ Սուրեն Սիրունյանի հետ Արամ մանուկյանի հերքման արձագանքը ստանալու համար։ Ինչպես այսօր լրագրողների հետ զրույցում ասել էր Սուրեն Սիրունյանը, եթե Արամ Մանուկյանը հերքի իր ասածները, ապա ինքը կտա նաև այլ անձանց անուններ, ովքեր վարվել են Արամ Մանուկյանի պես։

«Ես իմ բոլորի խոսքերի տերն եմ և կտամ այդ մարդկանց անունները։ Արամ Մանուկյանի հերքմանը մեկտեղ մարդիկ են եղել, ովքեր հաստատել են իմ ասածները։ Իսկ այդ դեպքում Արամ Մանուկյանը թող պատասխանի, թե ինքը ոնց է քվեարկել։ Արամ Մանուկյանը հրաժարվում է պատասխանել այս հարցին՝ ապացուցելով իմ ասածները։ Եթե Արամ Մանուկյանը ԶԼՄ-ներին չհայտնի, թե ինչպես է քվեարկել, ես ԶԼՄ-ներին կտրամադրեմ այդ օրվա արդյունքները»,- ասել է Սուրեն Սիրունյանը։

Իսկ այն հարցին, թե որտեղից են իրեն այդ արդյունքները, Սուրեն Սիրունյանը պատասխանել է.

«Ես տիրապետում եմ քվերակության արդյունքների 99%-ին՝ անգիր պատկերացում կազմելով, մարդկանց հետ զրուցելով, մարդկանց հայտարարություններով ու քննարկումների ժամանակ հայտնած տեսակետներով։ Իսկ, ահա, Արամ Մանուկյանը կողմ է քվեարկել դատախազի միջնորդությանը»։

Իսկ այն հարցին, թե ինչպես է անցկացվել քվեարկությունը՝ փակ, գաղտնի, թե բաց, կամ թե որքան «դեմ» կամ «կողմ» կար, Սուրեն Սիրունյանը չկարողացավ մտաբերել՝ պատճառաբանելով դեպքերի 14-ամյա վաղեմությունը։ 

Արձագանքելով շրջանառվող լուրերին, թե Վանո Սիրադեղյանը սպանվել է Դուբայ մեկնող չվերթի ժամանակ, որի օդանավի բոլոր տոսմերը նախապես գնվել էին, իսկ միակ ուղևորը Վանո Սիրադեղյանն էր եղել, նա պատասխանել է.

«Նման լուրեր տարածողները հիմաներն են, ովքեր ևս մեկ անգամ փորձում են այլ հարթության վրա ներկայացնել իրադրությունը։ Ես ասում եմ, որ Վանո Սիրադեղյանը ողջ է, ավելին՝ վսահ եղեք, որ զբավում է ստեղծագործական աշխատանքով»,- ասել է նա։

Իսկ այն հարցին, թե արդյոք ինքը որևէ կապ ունեցել է կամ ունի Վանո Սիրադեղյանի հետ կամ գիտի նրա գտնվելու վայրը, Սուրեն Սիրունյանը ասել է՝ «թույլ տվեք չպատասխանել ձեր հարցին»։