Մեքսիկայի ածխի հանքում տեղի ունեցած գազի պայթյունի արդյունքում զոհեր կան

Մեքսիկայի հյուսիսում՝ Կոահուիլա նահանգի ածխի հանքում տեղի ունեցած գազի պայթյունի հետևանքով յոթ մարդ է մահացել, հաղորդում են Մեքսիկայի քաղաքացիական պաշտպանության վարչության ներկայացուցիչները։

Միջադեպը տեղի է ունեցել այն ժամանակ, երբ հանքագործները հանքը խոշորացնելու նպատակով հորատային աշխատանքներ են իրականացրել։

Վերջին տարիների ընթացքում Մեքսիկայի ածխի հանքերում հաճախ են նմանատիպ ողբերգական դեպքեր պատահում։