Հնդիկ դերասանուհին առաջին անգամ կհայտնվի Playboy-ի շապիկին

28-ամյա հնդիկ դերասանուհի Շերլին Չոփրան կդառնա Բոլիվուդի առաջին աստղը, որը մերկ կնկարահանվի Playboy ամսագրի համար։ Եվայի հագուստով նրա պատկերը կզարդարի Playboy-ի նոյեմբեր ամսի համարի շապիկը, հայտնում է NEWSru Իսրայելը:

BBC News-ին տված հարցազրույցում դերասանուհին խոստովանել է, որ հեշտ չէր նման քայլին գնալը, սակայն նա չէր կարող բաց թողնել այս հնարավորությունը։

Չոփրան, ով մի քանի դեր է խաղացել հնդկական ֆիլմերում, նշել է. «Մերկ կանգնել ֆոտոխցիկի առջև, ընդ որում՝ լավ տեսք ունենալ, դժվար է, և ես հպարտ եմ, որ համարձակվել եմ այս քայլին: Ես կդառնամ առաջին հնդկուհին, որ կնկարահանվի մերկ»: Այնուամենայնիվ, նա խոստովանում է, որ դեռևս չի համարձակվել հայտնել այս մասին մորը, սակայն կանի դա առաջիկա մի քանի օրվերի ընթացքում։

Դերասանուհին այցելել է Լոս Անջելեսում Հյու Հեֆների առանձնատուն, որտեղ Playboy ամսագրի հիմնադիրն ապրում է իր հարեմի հետ: Չոփրան նշում է, որը մարդը, ով կառուցում է իր կյանքը սեփական կանոններով, հաշվի չնստելով համընդհանուր նորմերի հետ, իր հիացմունքի առարկան է. «Նա իմ կուռքն է»։

Հարկ է նշել, որ Հնդկաստանում Playboy-ի տարածումն արգելված է, և այս երկրի բնակիչները ծանոթանում են ամսագրին ինտերնետի միջոցով։

Հիշեցնենք, որ Հեֆները Playboy ամսագիրը հիմնել է 1953-ին։ Ստեղծման օրվանից Playboy-ը հանդիսանում է տղամարդկանց համար նախատեսված ամենհայտնի պարբերականը, որը, իմիջիայլոց, արգելվել է Ասիայի մի շարք երկրներում։ Այս ամսագրի շապիկը զարդարել են այնպիսի համաշխարհային աստղեր, ինչպիսիք են Մերիլին Մոնրոն, Ուրսուլա Անդրեսը, Քիմ Բեսինջերը, Լինդսի Լոհանը։