Արքայազնը վեճ է հրահրել Լոնդոնի օդանավակայանում

Heathrow օդանավակայանում վեճ է բռնկվել Բահրեյնի արքայազնի և British Airways ավիաընկերության ինքնաթիռի օդաչուի միջև, ընդ որում ազգականի անունը չի հրապարակվում:

Ըստ բրիտանական ոստիկանության, Լոնդոնի ժամանակով ժամը 10:00-ին 28-ամյա արքայազնը արդեն բավականին հարբած էր: Նա բարձրաձայն իր դժգոհությունն է հայտնել ուղևորների սպասարկմամբ և փորձել է ներխուժել օդաչուների խցիկ, որպեսզի բացատրի, թե ինչպես է պետք կազմակերպել անձնակազմի աշխատանքը:

Սակայն երբ ժամանել են ոստիկանության աշխատակիցները, արքայազնը հանդարտվել է: Նրան տեղափոխել են ոստիկանության բաժանմունք, որտեղ վերցրել են նրա մատնահետքերը, ԴՆԹ նմուշները, ինչպես նաև լուսանկարել արխիվի համար, ինչից հետո միայն  ազատ է արձակվել գրավի դիմաց: