Սիրիայի կառավարական զորքերը ապստամբներից մաքրել են Հալեպի Սալահ էդ-Դին թաղամասը (տեսանյութ)

Հալեպում սիրիայի կառավարական բանակը շարունակում է հարձակումն ապստամբների դիրքերի վրա։ Իշխանությունները հայտնում են հաջողությունների մասին երկրի այլ մասերում հատուկ գործողությունների իրականացման և Սիրիայի հարևան պետություններից զինյալների ներթափանցման փորձերի խափանման գործում։

Արևմուտքում Հալեպում ընթացող մարտերը գերադասում են բնութագրել որպես «բռնություն սեփական ժողովրդի հանդեպ»։

Երկուշաբթի առավոտյան Հալեպում կառավարական զորքերն ամբողջությամբ մաքրել են Սալահեդին թաղամասը, փոխանցում է SANA գործակալությունը։ Ըստ պաշտոնական աղբյուրների, զինյալները, որոնց թվում են նաև արաբական և այլ երկրների քաղաքացիներ, զգալի կորուստներ են կրել։ Ոչնչացված զինյալների թվում են նաև խմբավորումների առաջնորդներ։ Քաղաքի մյուս հատվածներում՝ Բաբ ալ-Հադիդի, Բուստան ալ-Զահրայի թաղամասերում և Ալ-Բարքում արվարձանում մարտերը շարունակվում են։