«Թռչկան» քաղաքացիական նախաձեռնության նամակը բնապահպանության նախարարին

ՀՀ Բնապահպանության Նախարար
Պարոն Արամ Հարությունյանին

Հարգելի պարոն Հարությունյան,

Ինչպես տեղեկացել ենք ՀՀ բնապահպանության նախարարությունից, <> ջրվեժ բնության հուշարձանի անձնագրի նախագծի վերաբերյալ մեր 18.07.2012թ. ներկայացրած առաջարկությունների մեծ մասն ընդունվել է նախարարության կողմից, բացառությամբ ամենակարևոր առաջարկներից մեկի, որը վերաբերվում էր ջրվեժի պահպանման գոտու ստորին A հանգուցակետին:

Մենք գտնում ենք, որ A հանգուցակետը մինչև Շիրակամուտի ջրանցքի ջրառն ընկած հատվածը մոտ 1 կմ գետի հոսանքն ի վար հասցնելը ոչ միայն նպատակահարմար է, այլեւ խիստ անհրաժեշտ, քանի որ բնության հուշարձանը պետք է դիտարկել իր շրջակա միջավայրի հետ ներդաշնակ, իսկ այդ ներդաշնակությունն ու ամբողջականությունը կապահովվի միայն վերոնշյալ տարածքը եւս պահպանման գոտում ներառելու ճանապարհով:

Վերոնշյալ առաջարկությունը հիմնավորելու և ապացուցելու համար կարող ենք կազմակերպել համատեղ այց տվյալ տարածք՝ մեր եւ ձեր մասնագետների մասնակցությամբ, որտեղ մանրամասն կներկայացնենք ջրվեժի եւ գետի հոսանքով վար գտնվող ձորի ամբողջականությունը եւ պահպանման գոտում ընդգրկելու անհրաժեշտությունը: Այդ ամբողջականությունը երեւում է նաեւ հետեւյալ նկարում, որն արված է դեպի ջրվեժ տանող հիմնական ճանապարհից.

{gallery}trchkan{/gallery}

Ակնկալում ենք ստանալ Ձեր դրական պատասխանը սույն առաջարկության վերաբերյալ:

Հարգանքով,
քաղաքացիական նախաձեռնություն: