Ժյուրիի չափանիշներն անհասկանալի էին. Սուրեն Առուստամյան
ԱՐԽԻՎ
Այսօրվա ասուլիսին «Նոր ալիք-2012» երգի մրցույթ հայաստատնյան մասնակից երգիչ Սուրեն Առուստամյանն ասաց. «համերգային օրերին միայն մտածում էի լավ ելույթ ունենալու մասին: Երբ տեսնում ես՝ աշխատանքդ հանդիսատեսին դուր է գալիս, դա ամենամեծ բավականությունն է, որ կարող ես ապրել բեմում: Ես հաճույք ստացա մրցույթից, և շատ հարցերի նկատմամբ իմ մոտեցումը փոխվեց»։
Երգչի երկու երգերի փոփոխությունը փոփ-մրցույթի ֆորմատին չհամապատասխանելու պատճառով է եղել, և, չնայած մրցույթում նրա կատարած երգերը տարբերվում էին իր ոճից, բայց Սուրենը չի պատրաստվում փոխել այն: Երգչի խոսքերով, նա հայտնվեց 7-րդ հորիզոնականում, որովհետև վերջին օրով երգերի և ոճային փոփոխություներ տեղի ունեցան, մյուս կողմից էլ՝ մրցույթն անկանխատեսելի է և անհասկանալի է, թե ժյուրին ինչ չափանիշներով է առաջնորդվում:
Ասուլիսի մյուս բանախոս Սուրեն Առուստամյանի պրոդյուսեր Իրինա Վարդանյանը նշեց, որ ինքը գոհ է երգչի ելույթից և Անդրեի «Իմ սերը քեզ» երգի կատարման ընթացքում հանդիսատեսը փշաքաղվում էր:
Պրոդյուսերի խոսքերով, համերգային յուրաքանչյուր օրից հետո, մասնակիցների համար կազմակերպվում էին պարային երեկոներ, որտեղ բոլորը մոռանում էին մրցակցության մասին և ընկերանում:
ՈՒՂԻՂ ԵԹԵՐ
Ամենադիտված 
Մարիամ Փաշինյանը նոր հրապարակում է կատարել ծնողների ամուսնալուծության ֆոնին
